Թողարկվել է «Գահերի խաղի» վերջին եթերաշրջանի թիզերը
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: «Գահերի խաղի» պաշտոնական YouTube-ալիքում հայտնվել է ութերորդ եթերաշրջանի թիզերը, որը վերջինն Է լինելու, տեղեկացնում Է «Արմենպրես»-ը:
«Կրակ եւ սառույց: «Գահերի խաղի» վերջին եթերաշրջանը կսկսվի ապրիլին»,- ասված Է տեսանյութի նկարագրության մեջ:
Հոլովակը տեւում Է ընդամենը 54 վայրկյան, սերիալի գործող անձինք դրանում բացակայում են: Կադրերում ցուցադրված Է, թե ինչպես են միմյանց ընդառաջ գնում սառույցն ու կրակը՝ պատելով գայլի, վիշապի ու առյուծի ֆիգուրները: Տեսանյութի ավարտին տարերքները բախվում են:
Նոյեմբերին ավելի վաղ հայտնի Է դարձել, որ «Գահերի խաղի» ութերորդ՝ եզրափակիչ մասը, կթողարկվի 2019 թվականի ապրիլին: Պրեմիերայի ստույգ ամսաթիվը դեռեւս հայտնի չԷ, հաղորդել Է ՏԱՍՍ-ը: