Նաթանյահուն դարձավ Իսրայելի պաշտպանության նախարար
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Իսրայելի վարչապետ Բենիամին Նաթանյահուն ստանձնել Է երկրի պաշտպանության նախարարի պաշտոնը, տեղեկացնում Է «Արմենպրես»-ը՝ հղում անելով ՏԱՍՍ-ին:
«Առաջին անգամ ես ստանձնում եմ պաշտպանության նախարարի պաշտոնը եւ գիտեմ, որ դա անում եմ այն ժամանակ, երբ բազմաթիվ են անվտանգության ոլորտում պետության քաղաքականության քննադատները»,- ասել Է նա իր հեռուստաուղերձում: Նաթանյահուն բացատրել Է, որ երկրի անգվտանգության ոլորտի իրադրության պատճառով չի կարելի վաղաժամկետ ընտրություններ անցկացնել եւ «տապալել կառավարությունը»:
Նա նաեւ հույս Է հայտնել, որ կոալիցիոն գործընկերները «պատասխանատվություն կդրսեւորեն եւ չեն ձգտի հասնել կառավարության հրաժարականին»: Իսրայելի պաշտպանության նախկին նախարար Ավիգդոր Լիբերմանն իր պաշտոնաթողության մասին հայտարարել Է նոյեմբերի 14-ին: Այդ կերպ նա բողոք հայտնեց Գազայի հատվածում պաղեստինցի զինյալների դեմ մարտական գործողությունները դադարեցնելու դեմ: Լիբերմանը նաեւ կոչ արեց հնարավորինս շուտ երկրում անցկացնել վաղաժամկետ խորհրդարանական ընտրություններ: