Մարտունու ծննդատանը վերջին երեք օրում գրանցվել է 24 ծնունդ
ԳԱՎԱՌ, 16 ՆՈՅԵՄԲԵՐԻ, ԱՐՄԵՆՊՐԵՍ: Գեղարքունիքի մարզի Մարտունի քաղաքի ծննդատանը վերջին երեք օրում գրանցվել է 24 ծնունդ:
Ինչպես «Արմենպրես»-ին տեղեկացրեց «Մարտունու ծննդատուն» ՓԲԸ տնօրեն Արթուր Հովհաննիսյանը, գրանցված թիվը տվյալ կարճ ժամանակահատվածի համար աննախադեպ ցուցանիշ է: «Ուրախալի է, որ նորածինների մայրերը ոչ թե առաջին, այլ երկրորդ, նույնիսկ երրորդ ու չորրորդ երեխաներն են ունենում, ինչն արդեն խոսում է բազմածնության նկատվող միտումի մասին: Այս պահին զբաղեցված են բոլոր հիվանդասենյակները»,- ներկայացրեց Արթուր Հովհաննիսյանը: Նոյեմբերի 15-ին Մարտունու ծննդատուն է այցելել Գեղարքունիքի մարզպետ Գնել Սանոսյանը:
Խոսրով Խլղաթյան
Կարծիքներ
Հարցազրույցներ
Փաստ մեկնաբանությամբ