Բոլթոնի տեղակալը, որին քննադատել էր Մելանյա Թրամփը, հեռացել է Սպիտակ տնից
ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Միրա Ռիքարդելը՝ ԱՄՆ-ի նախագահի՝ ազգային անվտանգության հարցերով խորհրդական Ջոն Բոլթոնի առաջին տեղակալը, հեռանում Է Սպիտակ տնից եւ այլ պաշտոն կզբաղեցնի վարչակազմում: Այդ մասին, ինչպես տեղեկացնում Է «Արմենպրես»-ը, հայտնել Է Սպիտակ տան մամուլի քարտուղար Սառա Սանդերսը:
«Միրա Ռիքարդելը Սպիտակ տնից հեռանալուց հետո կշարունակի աջակցել նախագահին նաեւ վարչակազմի ներսում նոր դեր ստանձնելիս: Նախագահը շնորհակալ Է տիկին Ռիքարդելին ամերիկացի ժողովրդին եւ ազգային անվտանգության բնագավառում նախագահի գերակայություններին նրա ծառայության համար»,- հայտարարել Է Սանդերսը:
Նախօրյակին ԱՄՆ-ի առաջին տիկին Մելանյա Թրամփի ներկայացուցիչը Ռիքարդելին «անարժան» Էր համարել իր պաշտոնին:
Սպիտակ տունը չի արծարծում առաջին տիկնոջ եւ Ռիքարդելի սուր վեճի պատճառները, բայց Wall Street Journal թերթը հայտնել Է, որ նա ընդհարվել Է Մելանյա Թրամփի շրջապատի հետ, եւ վերջինս նախագահ Դոնալդ Թրամփին խնդրել Է պաշտոնից ազատել Ռիքարդելին, հաղորդել Է ՌԻԱ Նովոստին: