ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Վատիկանում Հայաստանի նախկին դեսպան Միքայել Մինասյանը հրաժեշտ է տվել Հռոմի Սրբազան Քաhանայապետին: «Արմենպրես»-ի հաղորդմամբ՝ այդ մասին նա գրել է ֆեյսբուքի իր պաշտոնական էջում:

«Երեկ՝ որպես պաշտոնաթող դեսպան, հրաժեշտ տվեցի Հռոմի Սրբազան Քաhանայապետին: Նայելով Ֆրանցիսկոսի աչքերին՝ դժվար էր արտաբերել, թե ինչ եմ զգում ես իրենից ճառագող արդարության, հիշողության և ուժի ներքո: Պապին փոխանցեցի մեր բոլորի սերն ու երախտագիտությունը: Շնորհակալ եմ Ձեզ, Սրբազա՛ն Քահանայապետ, որպես հայ, որպես Հայաստանի Հանրապետության քաղաքացի և պարզապես որպես մարդ, ում Դուք ընդունեցիք և սիրեցիք: Միշտ կլինեք բոլորիս աղոթքներում»,-նշված է Մինասյանի գրառման մեջ: