Սուրեն Պապիկյանն խորհրդարանական ընտրություններում կղեկավարի «Իմ քայլը» դաշինքի նախընտրական շտաբը
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման և զարգացման նախարարի պաշտոնակատար Սուրեն Պապիկյանն առաջիկա խորհրդարանական ընտրություններում կղեկավարի «Իմ քայլը» դաշինքի նախընտրական շտաբը: Ինչպես հաղորդում է «Արմենպրես»-ը, այս մասին նա գրառում է կատարել «Ֆեյսբուք»-ի իր էջում:
«Սիրելի հայրենակիցներ, տեղեկացնում եմ, որ գալիք խորհրդարանական ընտրություններում պատիվ ունեմ ղեկավարելու «Իմ քայլը» դաշինքի նախընտրական շտաբը։
Այս պատասխանատու և պարտավորեցնող գործում մեր ստանձնած առաքելությունը մեկն է. ապահովել ազատ և արդար ընտրություններ և ամրագրել Հայաստանի Հանրապետության քաղաքացու վերջնական հաղթանակը»,- գրել է նա։
ՀՀ խորհրդարանական ընտրությունները տեղի կունենան դեկտեմբերի 9-ին: