ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Պետական վերահսկողական ծառայությունը ստուգումներ է իրականացնում բարձրագույն ուսումնական հաստատություններում: Այդ մասին կառավարության նիստից հետո լրագրողների հետ զրույցում նշեց ծառայության պետ Դավիթ Սանասարյանը:

«Ավարտել ենք  Ագրարային համալսարանի ստուգումները: Նախկին ռեկտորը համաձայնվել է 350 մլն դրամի հետբերում իրականացնել պետբյուջե: Հիմա իրավապահների հետ հասկանում ենք դրա ճանապարհը: ԵՊՀ-ի ստուգումներն առաջիկայում կավարտենք: Այնտեղ ևս լուրջ խախտումներ կան»,- «Արմենպրես»-ի հաղորդմամբ՝ ասաց Սանասարյանը՝ ավելացնելով, որ ԵՊՀ-ում խախտումների վերջնական չափը չի կարող ասել:

«Բայց նախնական տվյալներով՝ երկու կամ ավելի անգամ գերազանցելու է Ագրարայինին: Դա վերջնական տվյալ չէ», - ասաց Դավիթ Սանասարյանը: