Պրահայի անանուն հրապարակն անվանում ստացավ
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: Պրահայի պատմական մասի InterContinental հյուրանոցի մերձակա անանուն հրապարակն ստացել Է ծագումով չեխ փառաբանված կինոռեժիսոր Միլոշ Ֆորմանի անունը, տեղեկացնում Է «Արմենպրես»-ը:
Քաղաքի ղեկավար Ադրիան Կռնաչովան քաղաքապետարանի այդ որոշման մասին հոկտեմբերի 12-ին հայտարարել Է մամուլի ասուլիսում, որը կայացել Է նոր անվանակոչված հրապարակում: Չեխիայից սերված Ֆորմանը, որն օրինականորեն ԱՄՆ Է արտագաղթել 1970-ական թվականների սկզբին, «Օսկար» մրցանակի կրկնակի դափնեկիր Է լավագույն ռեժիսորական աշխատանքի համար, նա նկարահանել Է այնպիսի առաջնակարգ կինոնկարներ, ինչպիսիք են «Թռչելով կկվի բնի վրայով», «Ամադեուս», «Վալմոն», ֆիլմերը:
Ֆորմանը մահացել Է 2018 թվականի ապրիլին 86 տարեկան հասակում: Ֆորմանի ազգականները դրական են գնահատել Պրահայում նրա անունը կրող հրապարակի հայտնվելը, հաղորդել ՌԻԱ Նովոստի գործակալությունը: