Բրիջիտ Մակրոնին հիացրել է Հայաստան կատարած ճամփորդությունը. նա շրջայց կատարեց Երևանի թանգարաններում
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ վարչապետի տիկին Աննա Հակոբյանը, Ֆրանսիայի Հանրապետության նախագահի տիկին Բրիջիտ Մակրոնն ու Ֆրանկոֆոնիայի միջազգային կազմակերպության անդամ երկրների առաջին տիկնայք հոկտեմբերի 12-ին այցելեցին Երևանի մի շարք թանգարաններ:
«Արմենպրես»-ի հաղորդմամբ՝ նրանք եղան Երվանդ Քոչարի թանգարանում, ապա՝ «Կասկադ» համալիրում, որտեղ զբոսնելիս հիացան քանդակագործ Ֆերնանդո Բոտերոյի հեղինակած արձաններով, այնուհետև այցելեցին Գրիգոր Խանջյանի, Սվարովսկու ցուցասրահներ, Գաֆէսճեան արվեստի կենտրոնի «Սասունցի Դավիթ» սրահում տեսան նկարիչ Հակոբ Կոջոյանի «Սասունցի Դավիթ» գրաֆիկական աշխատանքի տուֆից տարբերակը, ապա ուղևորվեցին դեպի Գաֆէսճեան արվեստի կենտրոն:
Երվանդ Քոչարի թանգարանում հյուրերն այցից հետո գրառումներ կատարեցին մատյանում:
«Շնորհակալություն Հայաստանին այս յուրահատուկ ընդունելության համար, սա հիանալի ճամփորդություն էր»,- լրագրողների հետ զրույցում նշեց Ֆրանսիայի Հանրապետության նախագահի տիկին Բրիջիտ Մակրոնը:
Առաջիկայում նրանք կլինեն նաև Ազատության հրապարակում տեղակայված Ֆրանկոֆոնիայի ավանում:
Բրիջիտ Մակրոնը Հայաստան է եկել ամուսնու՝ Ֆրանսիայի նախագահ Էմանուել Մակրոնի հետ՝ Ֆրանկոֆոնիայի 17-րդ գագաթնաժողովի շրջանակում:
- Հարություն վարդապետ Պզտիկյանը Մխիթարյան միաբանության հետ ֆրանսիացի
հայագետների կապի մասին դասախոսություն կարդաց Երևանում
- Սեւանը եւ Գրենոբլը համագործակցությունը կշարունակեն ավելի հավակնոտ ծրագրերով
- Հայաստանի երկու երգչախմբեր Ֆրանկոֆոնիայի օրերի շրջանակում հանդես եկան հայկական և ֆրանսիական խմբերգերի կատարմամբ
- «Ղարաբաղյան շեշտադրումները» Ֆրանկոֆոնիայի երևանյան գագաթնաժողովին
- Որո՞նք են Ֆրանկոֆոնիայի գագաթնաժողովի հիմնական արդյունքները