Հայոց հողը կարող է դառնալ երիտասարդության և հույսի խորհրդանիշ. Միկայել Ժան
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանկոֆոնիայի միջազգային կազմակերպության գլխավոր քարտուղար Միկայել Ժանն այն կարծիքին է, որ Հայաստանն ու հայոց հողը կարող են դառնալ երիտասարդության և հույսի խորհրդանիշ: Ինչպես հաղորդում է «Արմենպրես»-ը, Միքայել Ժանը նման կարծիք հայտնեց Ֆրանկոֆոնիայի 17-րդ գագաթնաժողովի ժամանակ ունեցած ելույթում: «Հայոց հողը՝ հույսի և հիշատակի հողը, կարող է դառնալ երիտասարդության և հույսի խորհրդանիշ, ինչի իրականացումը կախված է ձեզանից»,- դիմելով ներկաներին՝ նշեց Ֆրանկոֆոնիայի միջազգային կազմակերպության գլխավոր քարտուղարը:
Նրա խոսքով՝ Հայաստանի հողի վրա ամեն ինչ պարտավորեցնում է հիշել և հիշատակել: Միկայել Ժանը շեշտեց, որ այս պահին մտքերով Հայոց ցեղասպանության բոլոր նահատակների հետ է, ինչպես նաև այն մարդկանց, որոնց հաջողվել է փրկվել ու ողջ մնալ: «Հայաստանն այսօր կենդանի է և հարուստ: Հայաստանը հարուստ է իր սփյուռքով, որ տարածված է աշխարհով մեկ: Շառլ Ազնավուրն էլ այդպիսի մի հայ էր: Այսօր Հայաստանում է Ֆրանկոֆոնիայի աշխարհը 5 մայրցամաքներից: Մեզ համար մեծ երջանկություն է հյուրընկալվել այստեղ: Ամեն ինչ հայոց հողում մեզ պարտավորեցնում է հիշատակել, միևնույն ժամանակ ամեն ինչ մեզ պարտավորեցնում է սթափ լինել»,- ընդգծեց Միկայել Ժանը:
- Հարություն վարդապետ Պզտիկյանը Մխիթարյան միաբանության հետ ֆրանսիացի
հայագետների կապի մասին դասախոսություն կարդաց Երևանում
- Սեւանը եւ Գրենոբլը համագործակցությունը կշարունակեն ավելի հավակնոտ ծրագրերով
- Հայաստանի երկու երգչախմբեր Ֆրանկոֆոնիայի օրերի շրջանակում հանդես եկան հայկական և ֆրանսիական խմբերգերի կատարմամբ
- «Ղարաբաղյան շեշտադրումները» Ֆրանկոֆոնիայի երևանյան գագաթնաժողովին
- Որո՞նք են Ֆրանկոֆոնիայի գագաթնաժողովի հիմնական արդյունքները