Օլիմպիադայում կանանց թիմի հաջորդ մրցակիցը Ադրբեջանն է
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի կանանց և տղամարդկանց թիմերը գիտեն իրենց նախավերջին մրցակիցներին 43-րդ Օլիմպիադայում:
«Արմենպրես»-ի հաղորդմամբ՝ Բաթումում ընթացող Օլիմպիդայի 10-րդ տուրում Հայաստանի տղամարդանց թիմը կմրցի ԱՄՆ հավաքականի հետ: Կանանց ընտրանին ուժերը կչափի Ադրբեջանի հետ:
9-րդ տուրից հետո Հայաստանի տղամարդկանց հավաքականն ունի 15 միավոր և մրցաշարային աղյուսակում 4-րդ տեղում է: Նույնքան՝ 15-ական միավոր ունեն նաև ԱՄՆ, Չինաստանի, Անգլիայի ընտրանիները: Առաջատարը 16 միավորով Լեհաստանն է:
Կանանց թիմը 3-րդ տեղում է վաստակած 15 միավորով: 15 միավոր ունեն Ուկրաինան ու ԱՄՆ-ն: Առաջատարը Չինաստանն է 16 միավորով:
Կարծիքներ
Հարցազրույցներ
Փաստ մեկնաբանությամբ