1000х90.jpg (78 KB)

Հրազդանում չարաշահումները, նախնական տեղեկություններով, հատել են եռանիշ թվի սահմանը

Armenpress 22:06, 19 Սեպտեմբեր, 2018

ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Աուդիտորական ընկերությունն ուսումնասիրություն է կատարում Հրազդան քաղաքում  կատարված չարաշահումները բացահայտելու ուղղությամբ: «Արմենպրես»-ի հաղորդմամբ, ՀՀ տարածքային կառավարման և զարգացման նախարար Սուրեն Պապիկյանը լրագրողների հետ զրույցում ասաց, որ Հրազդան քաղաքում  կատարված չարաշահումները, նախնական տեղեկություններով, հատել են եռանիշ թվի սահմանը:

Անդրադառնալով այլ համայնքներում կատարված չարաշահումներին՝ նախարար Պապիկյանն ասաց, որ խնդիրներ կան նաև Էջմիածին քաղաքում, պետական վերահսկողական ծառայությունն ուսումնասիրություններն այնտեղ ավարտել է, շուտով դրանց մասին համապատասխան եզրակացություն կտան: «Արմավիր քաղաքում խնդիր էր առաջացել ջրամատակարարման, ոռոգման ցանցի հետ կապված, այնտեղ կային գեներատորներ, որոնք համապատասխան պահին առկա չեն եղել վարչական վերահսկողության ուսումնասիրությունների ընթացքում, տնտեսավարողը պարզաբանել էր`այս պահին դրանք այլ տեղում են գտնվում: Երեկվա դրությամբ արդեն իսկ համակարգը վերականգնված է, մնում է էլեկտրականության ու սնուցող միջոցների միացումը և համակարգի վերագործարկումը»-ասաց նա:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am