Բռնցքամարտիկներից միայն Հովհաննիսյանը և Մանասյանը դուրս եկան Թուրքիայի մրցաշարի եզրափակիչ
ԵՐԵՎԱՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Բռնցքամարտի Հայաստանի հավաքականի երկու անդամները միայն կշարունակեն պայքարը Թուրքիայի մրցաշարի ոսկե մեդալներ համար:
«Արմենպրես»-ի հաղորդմամբ` Թուրքիայի Ստամբուլ քաղաքում ընթացող միջազգային խոշոր մրցաշարում Հայաստանի 2 ներկայացուցիչներ դուրս են եկել եզրափակիչ: 52 կգ քաշային Արթուր Հովհաննիսյանը հաղթել է անգլիացի մարզիկին, իսկ 91 կգ քաշային Նարեկ Մանասյանը նոկաուտի է ենթարկել Ավստրիան ներկայացնող բռնցքամարտիկին: 64 կգ քաշային Հովհաննես Բաչկովը պարտություն է կրել ու նվաճել բրոնզե մեդալ:
Սեպտեմբերի 15-ին Մանասյանն ու Հովհաննիսյանը կպայքարեն ոսկե մեդալի համար:
Հայ բռնցքամարտիկները Ստամբուլում հանդես են գալիս մարզիչ Ռուդիկ Մկրտչյանի գլխավորությամբ: