«Ֆլորենս» փոթորիկը թուլացավ մինչեւ առաջին կատեգորիա
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի ափերին մոտեցող «Ֆլորենս» փոթորիկը թուլացել Է մինչեւ առաջին կատեգորիա: Այդ մասին, ինչպես տեղեկացնում Է «Արմենպրես»-ը, հայտնել Է ԱՄՆ-ի փոթորիկների նախազգուշացման ազգային ծառայությունը: Ավելի վաղ հայտնի Էր դարձել, որ փոթորիկը թուլացել Է մինչեւ երկրորդ կատեգորիա:
Փոթորկի քամիների արագությունը ժամում 177 կիլոմետրից նվազել Է մինչեւ 150 կմ: Այժմ այն գտնվում Է Հյուսիսային Կարոլինայի նահանգի Մորհեդ քաղաքից 80 կմ հարավ ընկած շրջանում:
Ծառայությունը նախազգուշացնում Է, որ առաջիկա օրերին «Ֆլորենս»-ի մոտենալու կապակցությամբ կմեծանան հեղեղումների հավանականությունը:
Ավելի քան 10 մլն մարդ Է հայտնվել այս սեզոնում ամենավտանգավոր փոթորկի՝ «Ֆլորենս»-ի ճանապարհին: Փոթորկի կապակցությամբ արտակարգ դրության ռեժիմ Է սահմանվել Ջորջիայի, Վիրջինիայի, Հյուսիսային Կարոլինայի, Հարավային Կարոլինայի, Մերիլենդի նահանգներում, ինչպես նաեւ մայրաքաղաք Վաշինգտոնում, հաղորդել Է ՌԻԱ Նովոստին:
Կարծիքներ
Հարցազրույցներ
Փաստ մեկնաբանությամբ