Կատալոնիայում անվարորդ ավտոբուս են գործարկել


ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ: Կատալոնիայի իշխանությունները գործարկել են նոր ավտոբուս, որն ուղեւորներին փոխադրում Է առանց վարորդի: Անվարորդ Էլեկտրաբուսի փորձարկումները կանցկացվեն մի քանի քաղաքներում, որոնցից առաջինը դարձել Է Սան Կուգատ դել Վալիեսը (Բարսելոնա): Այդ մասին, ինչպես տեղեկացնում Է «Արմենպրես»-ը, հայտնել Է Noticia.ru-ն:

Ավելի ուշ ավտոբուսը կուղարկվի Տարասա, Սաբադել, Ժիրոնա, Ռեուս, Էլ Վենդրել, Մարտորել եւ Վիկ: Կատալոնիայի կառավարության ներկայացուցիչները հայտարարել են, թե կարեւոր Է սկսել նման փոխադրամիջոցների թեստավորումը, որպեսզի մարդիկ ավելի հաճախ դրանք տեսնեն գործողության մեջ: Նրանք նաեւ նշել են, որ Էլեկտրական տրանսպորտի անցնելու ճանապարհին անհրաժեշտ Է վերափոխել ենթակառուցվածքը: Ավտոբուսը, որն ստացել Է Erica անվանումը, նախատեսված Է 12 մարդու համար:

Այն հանդերձված Է սահմանափակ ֆիզիկական հնարավորություններով մարդկանց կարիքների համար, հաղորդել Է ՌԻԱ Նովոստին:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am