ՀՀ հյուսիսային շրջաններում անձրև և ամպրոպ է սպասվում, հնարավոր է՝ կարկուտ
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի առանձին շրջաններում սեպտեմբերի 9-ին, իսկ 10-11-ը՝ հյուսիսային շրջաններում երեկոյան ժամերին սպասվում է կարճատև անձրև և ամպրոպ, առանձին հատվածներում հնարավոր է նաև կարկուտ: Սեպտեմբերի 12-14-ն սպասվում է առանց տեղումների եղանակ:
Քամին կլինի հարավ-արևմտյան՝ 5-10 մ/վ արագությամբ, ամպրոպի ժամանակ սպասվում է քամու ուժգնացում մինչև 15-20 մ/վ:
Օդի ջերմաստիճանն էապես չի փոխվի:
Ինչպես «Արմենպրես»-ին տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից, Երևան քաղաքում սեպտեմբերի 9-ի ցերեկը և 10-14-ն սպասվում է առանց տեղումների եղանակ:
Կարծիքներ
Հարցազրույցներ
Փաստ մեկնաբանությամբ