ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսաստանի Դաշնությունում Հայաստանի դեսպան Վարդան Տողանյանը Մոսկվայում մեկնարկած «Լարան 2018» համաժողովի ժամանակ հանդիպել է ՌԴ-ում գործող հայկական կազմակերպությունների և նախաձեռնող խմբերի հետ: Ինչպես տեղեկացնում է «Արմենպրես»-ը, նիստի մասնակիցների բազմաթիվ հարցերի պատասխանելով, դեսպանը  անդրադարձել է ներկայումս  հայ-ռուսական փոխգործակցության տարբեր ոլորտներին  և ներկայացրել Հայաստանի կառավարության տեսլականը` հայ-ռուսական հարաբերությունների  հետագա զարգացման հարցում:

ՌԴ-ում Հայաստանի դեսպանը խոսել է նաև սփյուռքի և դրա կազմակերպչական կառույցների հետ աշխատելու նոր մոտեցումների մասին:

Ելույթում Վարդան Տողանյանը ներկայացրել է դեսպանատան նոր նախաձեռնություններն՝ ուղղված Հայաստանի եւ Ռուսաստանի միջև մշակութային եւ հասարակական կապերի խորացմանը: