Ճապոնիայի 300 հազարից ավելի բնակիչներ տարհանվելու հանձնարարական են ստացել
ԵՐԵՎԱՆ, 4 ՍԵՊՏԵՄԲԵՐԻ, ԱՐՄԵՆՊՐԵՍ: Ճապոնիայի Կոբե քաղաքի իշխանությունները մի քանի շրջանների 287 հազար բնակիչների հանձնարարել են տարհանվել չափազանց ուժեղ «Ջեբի» թայֆունի մոտենալու կապակցությամբ, որին Ճապոնիայում տրվել Է 21 կարգային համարը: 90 հազար բնակիչների նման հանձնարարական են տվել նաեւ Հիրոսիմա քաղաքի իշխանությունները, տեղեկացնում Է «Արմենպրես»-ը:Երկրի կենտրոնական մասում եւ հարավ-արեւմուտքում արդեն 632 չվերթ Է չեղարվկվել հզոր թայֆունի մոտենալու կապակցությամբ: Երկաթուղային ընկերությունները հարկադրված են դադարեցնել Սինկանսեն արագընթաց գնացքների ուղարկումը Օսակա, Հիրոսիմա քաղաքների ուղղությամբ: Ներկայում թայֆունը Ճապոնիային Է մոտենում հարավ-արեւելքից եւ շարժվում Է դեպի հյուսիս, այդպիսով սեպտեմբերի 5-ի առավոտյան այն կանցնի երկրի ամբողջ տարածքով: Քամու արագությունը վայրկյանում հասնում Է 45 մետրի, պոռթկումների ժամանակ՝ 60 մետրի: Օդերեւութաբանները «Ջեբի»-ն ամենահզորն են համարել այս տարի, հաղորդել Է ՌԻԱ Նովոստին:
Կարծիքներ
Հարցազրույցներ
Փաստ մեկնաբանությամբ