Պուտինը հայտարարեց կենսաթոշակային բարենորոգման նախագիծը մեղմացնելու մասին
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը հայտարարել Է, որ կենսաթոշակային բարենորոգման նախագիծը կսրբագրվի. մասնավորապես, կանանց համար կենսաթոշակային տարիքը կբարձրացնեն ոչ թե մինչեւ 63 տարեկան, ինչպես սկզբնապես պլանավորվել Էր, այլ մինչեւ 60 տարեկան: Այս հայտարարությունը նա արել Է իր հեռուստաուղերձում, որի սղագրությունը զետեղված Է Կրեմլի կայքում, տեղեկացնում Է «Արմենպրես»-ը: Բացի դրանից, Պուտինն առաջարկել Է սահմանել նախակենսաթոշակային տարիք հասկացությունը՝ հինգ տարի մինչեւ թոշակի գնալը: Նախակենսաթոշակային տարիքի քաղաքացիների համար նա հանձնարարել Է մշակել որակավորման բարձրացման հատուկ ծրագիր: Նախագահը նաեւ կոչ Է արել կենսաթոշակների նշանակման գործող պայմանները պահպանել Հյուսիսի բնիկ փոքրաթիվ ժողովուրդների համար: Սկզբնապես առաջին ընթերցմամբ Դումայի կողմից հավանության արժանացած օրինագծի պարամետրերն այսպիսին Էին. կանանց համար կենսաթոշակային տարիքը պետք Է 55-ից աճեր մինչեւ 63, տղամարդկանց համար՝ 60-ից մինչեւ 65 տարի: Երկրորդ ընթերցումը պլանավորված Է սեպտեմբերին:
Կարծիքներ
Հարցազրույցներ
Փաստ մեկնաբանությամբ