Հայաստանի և Արցախի կրթության նախարարները քննարկել են ոլորտի բովանդակային հարցերը
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Արցախի մայրաքաղաք Ստեփանակերտում օգոստոսի 26-ին տեղի է ունեցել ՀՀ կրթության և գիտության նախարար Արայիկ Հարությունյանի հանդիպումը Արցախի Հանրապետության գործընկեր Նարինե Աղաբալյանի, Արցախի կրթության, գիտության և սպորտի նախարարության աշխատակիցների, ինչպես նաև Արցախի դպրոցի տնօրենների հետ։
Ինչպես «Արմենպրես»-ին տեղեկացրին ՀՀ կրթության գիտության նախարարությունից, քննարկվել են հայկական երկու պետությունների հանրակրթության ոլորտին վերաբերող հարցեր, նոր ուսումնական տարվա մեկնարկին ընդառաջ նախապատրաստական աշխատանքներն ու ոլորտի բովանդակային խնդիրները:
Նախարար Արայիկ Հարությունյանն այս օրերին օգոստոսյան խորհրդակցություններ է անցկացնում ՀՀ մարզերում, ևԱրցախ այցելությունը կարևորվում է կրթական երկու համակարգերի առավելագույն ինտեգրման համատեքստում։
Քննարկման վերջում Նարինե Աղաբալյանը Արայիկ Հարությունյանին պարգևատրել է Արցախի անկախության
30-ամյակի հուշամեդալով։