Ջենովայում կամրջի փլուզման հետևանքով զոհերի թիվը հասել է 30-ի  

Armenpress 19:42, 14 Օգոստոս, 2018

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Իտալական Ջենովա քաղաքում ավտոմեքենաների համար նախատեսված կամրջի փլուզման հետևանքով զոհերի թիվը հասել է 30-ի: Ինչպես փոխանցում է «Արմենպրես»-ը, այդ մասին հաղորդում է Reuters գործակալությունը, վկայակոչելով Իտալիայի ներքին գործերի նախարար, փոխվարչապետ Մատեո Սալվինին:

Նա հայտնել է նաև դեպքի հետևանքով բազմաթիվ տուժածների մասին, սակայն չի հստակեցրել նրանց թիվը:

Ավելի վաղ հաղորդվում էր 22 զոհի մասին: Քաղաքացիական պաշտպանության դեպարտամենտում հայտարարել են, որ նվազագույնը 10 մարդ համարվում է անհետ կորած:  



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am