Ճապոնիայում փրկարար ուղղաթիռ Է կործանվել. NHK
ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: Ճապոնիայի Գումմա կենտրոնական պրեֆեկտուրայում օգոստոսի 10-ին փրկարար ուղղաթիռ Է կործանվել: Ինչպես հայտնել Է NHK հեռուստաալիքը, օդանավի ֆյուզելյաժի բեկորները հայտնաբերվել են Նագանոյի պրեֆեկտուրայի հետ սահմանի լեռնային շրջանում, տեղեկացնում Է «Արմենպրես»-ը: Դատելով կադրերից, որոնք ցուցադրել Է հեռուստաալիքը, ուղղաթիռն ընկել Է անտառապատ լեռնալանջին: Ուղղաթիռում եղել Է ինը մարդ:
Առայժմ գտնվել են նրանցից ութը, սակայն նրանց վիճակի մասին չի հաղորդվում: Ուղղաթիռի հետ կապը կորել Էր Կուսացու-Սիրանե ակտիվ հրաբխի շրջանում, որը ժայթքում Էր տարվա սկզբին: Անձնակազմը վարժական թռիչք Է կատարում եւ պետք Է օդից դիտարկեր լեռնային արահետների վիճակը Գումմայի եւ Նագանոյի պրեֆեկտուրաների սահմանին, հաղորդել Է ՏԱՍՍ-ը: