Հայաստանը կմասնակցի «Դուբայ ԷՔՍՊՈ-2020» համաշխարհային ցուցահանդեսին
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Վարչապետ Նիկոլ Փաշինյանը որոշում է ստորագրել 2020 թվականի հոկտեմբերի 20-ից մինչև 2021 թվականի ապրիլի 10-ն Արաբական Միացյալ Էմիրությունների Դուբայ քաղաքում կայանալիք «Մտքերի միավորում, ապագայի ստեղծում» խորագրով «Դուբայ ԷՔՍՊՈ-2020» համաշխարհային ցուցահանդեսին Հայաստանի Հանրապետության մասնակցությունն ապահովելու նպատակով: Ինչպես փոխանցում է «Արմենպրես»-ը, ցուցահանդեսին Հայաստանի մասնակցության կազմակերպման աշխատանքների ընդհանուր համակարգման նպատակով գլխավոր հանձնակատար է նշանակվել տնտեսական զարգացման և ներդրումների նախարարը:
«Դուբայ ԷՔՍՊՈ-2020» hամաշխարհային ցուցահանդեսի իրականացման ազգային օպերատոր է նշանակվել Հայաստանի զարգացման հիմնադրամը: