Դամասկոսում գործարկել են վերադարձած փախստականների օգնության ծրագիրը
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Սիրիայի Դամասկոսի նահանգի իշխանությունները գործարկել են վերադարձած փախստականների օգնության ծրագիրը, որնք հարկադրված Էին ժամանակավորապես լքել իրենց տները, քանի դեռ բնակավայրերը գրավված Էին ահաբեկիչների կողմից: Այդ մասին, ինչպես հաղորդել Է ՌԻԱ Նովոստին, հայտնել Է Դամասկոսի փոխնահանգապետ Ռաթեբ Ադասը, տեղեկացնում Է «Արմենպրես»-ը:
«Նահանգը հնարավոր ամեն ինչ անում Է հայրենիք փախստականների, այդ թվում՝ այլ երկրներից, վերադարձի համար: Մենք գործարկել ենք բնակելի տների եւ սոցիալական հիմնարկությունների, դպրոցների եւ հիվանդանոցների վերականգնման ընդգրկուն ծրագիրը»,- ասել Է Ադասը:
Նա հավելել Է, որ տուն վերադարձած մարդիկ կարող են նյութական օգնություն ակնկալել: Բացի դրանից, այն բնակիչների համար, որոնց տներն այլեւս պիտանի չեն զինյալների պատճառով, նախատեսված Է ժամանակավոր կացարանի տրամադրում եւ նյութական օգնություն իրենց բնակարանների եւ տների վերականգնման նպատակով: Հարկադիր վերաբնակներն ակտիվորեն վերադառնում են հայրենիք՝ լուր ստանալով, որ իրենց քաղաքներում անվտանգ Է դարձել: Մասնավորապես, արդեն Դամասկոսի նահանգի Բլուդան քաղաք Է վերադարձել 15 հազար մարդ: