Warner Bros. ընկերությունը կվերաթողարկի «Ալֆ» սերիալը. Variety
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Warner Bros. կինոընկերությունը «Ալֆ» սերիալը վերաթողարկելու աշխատանք Է տանում: Այդ մասին, ինչպես տեղեկացնում Է «Արմենպրես»-ը, օգոստոսի 1-ին հայտնել Է Variety հանդեսը: Նրա տվյալներով՝ այժմ նախագիծը գտնվում Է վաղ փուլում. ընկերությունը դեռ նույնիսկ սցենարիստ չի գտել սերիաների սյուժեն գրելու համար:
Նշվում Է, որ նախագծի գաղափարներից մեկը պատմությունն Է այն մասին, թե ինչպես Է այլմոլորակային Ալֆը վերադառնում ռազմաբազայից, որտեղ տեղավորվել Էր նախորդ սյուժետային գծի ավարտվելուց հետո: Նա դիտում Է, թե ինչպես Է կյանքը փոխվել այն տարիների ընթացքում, երբ ինքն ազատության մեջ չԷր: Warner Bros.-ը հրաժարվել Է որեւիցե մեկնաբանություն տալ հանդեսի հարցին:
«Ալֆ» կատակերգական սերիալն Էկրաններին Էր 1986-ից մինչեւ 1990 թվականը եւ ցուցադրվել 80 երկրում:
Ըստ սյուժեի, 260-ամյա այլմոլորակային Ալֆը սերված Է Մելմակ մոլորակից, նա Երկրի վրա Է հայտնվել տիեզերանավի կործանման հետեւանքով: Լոս Անջելեսում նա ծանոթացել Է Թաններների ընտանիքի հետ, որը նրան ապաստան Է տվել եւ թաքցրել իշխանություններից, հաղորդել Է ՏԱՍՍ-ը: