Սիրիայում ձեռնամուխ են եղել Հալեպի նահանգի վերականգնման պետծրագրի իրագործմանը
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Սիրիայի իշխանությունները ձեռնամուխ են եղել զինյալներից ազատագրված Հալեպի նահանգի բնակավայրերի վերականգնման պետական ծրագրի իրագործմանը: Այդ մասին, ինչպես տեղեկացնում Է «Արմենպրես»-ը, հայտնել Է Հալեպի փոխնահանգապետ Համիդ Կյույնոն:
«Վերականգնման պետական ծրագիրը ներառում Է երեք փուլ: Նախ մենք պետք Է պատրաստենք ենթակառուցվածքը, քանի որ մարդիկ չեն կարող ապրել առանց ջրի ու Էլեկտրականության:Երկրորդ փուլը հասցեական օգնությունն Է, մենք պարզում ենք յուրաքանչյուր ընտանիքի կարիքները: Երրորդը՝ բնակիչներին իրենց տներ վերադարձնելն Է, հարկավոր Է նրանց բացատրել, որ այժմ այստեղ անվհտանգ Է»,- պարզաբանել Է Կյույնոն:
Ներկայում արդեն ավելի քան 1 միլիոն մարդ Է վերադարձել նահանգ, այստեղ են եկել նաեւ հարկադիր վերաբնակներ երկրի այլ նահանգներից, ինչպես նաեւ վերադարձել են նրանք, ովքեր ժամանակավոր ապաստան են գտել արտասահմանում՝ Լիբանանում, Հորդանանում եւ Թուրքիայում, հաղորդել Է ՏԱՍՍ-ը: