Արարատ Միրզոյանը Պյոտր Սվիտալսկու հետ քննարկել է արտահերթ խորհրդարանական ընտրությունների անցկացման հարցը
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: ՀՀ առաջին փոխվարչապետ Արարատ Միրզոյանը ընդունել է ՀՀ-ում ԵՄ պատվիրակության ղեկավար դեսպան Պյոտր Սվիտալսկուն: «Արմենպրես»-ի հաղորդմամբ՝ «Ֆեյսբուք» սոցիալական ցանցում Արարատ Միրզոյանը գրել է, որ հանդիպման ընթացքում քննարկվել է նոր կառավարության քաղաքական առաջնահերթություններն ու ծրագրերը, ինչպես նաև ՀՀ-ին ԵՄ-ի կողմից ցուցաբերվող աջակցությունը:
«Մասնավորապես՝ քննարկման առարկա դարձան արտահերթ խորհրդարանական ընտրություններն ու ԵՄ աջակցությունը գործընթացի կազմակերպման ու անցկացման համար»,- գրել է Միրզոյանը:
Կարծիքներ
Հարցազրույցներ
Փաստ մեկնաբանությամբ