Խորվաթիան պատմության մեջ առաջին անգամ ԱԱ-ի եզրափակչում է. Մունդիալ-2018
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության կիսաեզրափակչում Խորվաթիայի ընտրանին Մոսկվայի «Լուժնիկի» մարզադաշտում մրցեց Անգլիայի հետ:
«Արմենպրես»-ի հաղորդմամբ՝ հանդիպման մեկնարկից չէր էլ անցել 5 րոպե, երբ Անգլիան առաջ անցավ հաշվի մեջ: Առաջին խաղակեսում վիճակագրությամբ գնդակին առավել շատ տիրում էին խորվաթները, ովքեր գերազանցում էին անգլիացիներին 52/48-ի հարաբերակցությամբ:
Երկրորդ կեսում խորվաթներն ավելի թարմ ֆուտբոլ խաղացին և 68-րդ րոպեին վերականգնեցին հաշվի հավասարությունը: Գոլն իր ակտիվում գրանցեց Պերիշիչը: Հիմնական ժամանակում թեպետ երկու թիմերն էլ մի քանի լուրջ հնարավորություններ ունեին առաջ անցնելու հաշվի մեջ, սակայն այն ավարտվեց 1:1 հաշվով և հանդիպումը տեղափոխվեց լրացուցիչ ժամանակ:
Խորվաթների փորձը օգնեց նրանց լրացուցիչ ժամանակում և Մանջուկիչի հրաշալի անցումը պաշտանական գծում և հարվածը ճակատագրական դարձավ Անգլիայի համար: Խորվաթիան առաջ անցավ հաշվի մեջ: Հանդիպումն այդպես էլ ավարտվեց՝ 2:1 հօգուտ Խորվաթիայի և թիմը դուրս եկավ մունդիալի եզրափակիչ:
Աշխարհի առաջնության եզրափակչում Խորվաթիան կխաղան Ֆրանսիայի ընտրանու հետ: Եզրափակչը կկայանա հուլիսի 15-ին, Մոսկվայի «Լուժնիկի» մարզադաշտում և կմեկնարկի Երևանի ժամանակով 19:00-ին:
Մունդիալի մասին այլ նյութեր այստեղ:
Լուսանկարները՝ FIFA
- Հավատարիմ ենք մեզ միավորող կապերին, որոնք բնորոշվում են «Ապրել միասին
Ֆրանկոֆոնիայում» գաղափարախոսությամբ. ՀՀ վարչապետի ելույթը
- Ֆրանսիան աշխարհի առաջնության եզրափակչում է. Մունդիալ-2018
- Խորվաթիան հետխաղյա 11-մետրանոցներով հաղթեց Ռուսաստանին և դուրս եկավ
կիսաեզրափակիչ. Մունդիալ-2018
- Մունդիալ-2018. ինչ խաղեր կան այսօր
- Բելգիան պատմության մեջ երկրորդ անգամ դուրս եկավ կիսաեզրափակիչ՝ հաղթելով
Բրազիլիային. Մունդիալ-2018