Հայտնի են Հայաստանի ֆուտզալի կանանց հավաքականի մրցակիցները
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Հուլիսի 5-ին ՈՒԵՖԱ-ի շտաբ-բնակարանում կայացավ ֆուտզալի կանանց 2019 թվականի Եվրոպայի առաջնության նախնական և գլխավոր փուլերի վիճակահանությունը:
«Արմենպրես»-ին այս մասին տեղեկացրին ՀՖՖ-ից: Հայաստանի ֆուտզալի կանանց հավաքականն ընդգրկվել է C խմբում և հանդիպելու է Մոլդովայի և Բելառուսի ընտրանիների հետ: Մրցաշարն անցկացվելու է Մոլդովայում օգոստոսի 21-26-ը, իսկ հաջորդ փուլի ուղեգիրը նվաճելու է միայն խմբի հաղթողը: Հաջողության դեպքում, ֆուտզալի կանանց Հայաստանի հավաքականը գլխավոր փուլի C խմբում հանդիպելու է Ուկրաինայի, Հունգարիայի և Ղազախստանի թիմերի հետ:
Այս փուլի հանդիպումները կկայանան սեպտեմբերի 11-16-ը:
Կարծիքներ
Հարցազրույցներ
Փաստ մեկնաբանությամբ