Խուան Մարտին դել Պոտրոն Ուիմբլդոնի 3-րդ շրջանում է
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Օլիմպիական խաղերի արծաթե մեդալակիր, արգենտինացի Խուան Մարտին դել Պոտրոն շարունակում է պայքարը աշխարհի ամենահայտնի մրցաշարում` Ուիմբլդոնում:
«Արմենպրես»-ի հաղորդմամբ` տղամարդկանց մենախաղի երկրորդ փուլում դել Պոտրոն ուժերը չափում էր իսպանացի Ֆելիսիանո Լոպեսի հետ: 1 ժամ 35 րոպե ձգված մրցախաղում արգենտինացին հաղթեց 6:4, 6:1, 6:2 հաշվով:
Երկրորդ շրջանի արգելքը հաղթահարել է նաև աշխարհի երկրորդ ռակետ Ռաֆայել Նադալը:
Ուիմբլդոնն այս տարի մեկնարկել է հունիսի 2-ին և կավարտվի հուլիսի 15-ին: Այս մրցաշարն անցկացվում է 1877 թվականից՝ արդեն 141 տարի շարունակ: Լոնդոնում անցկացվող մրցաշարի տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանցը` Գարբինե Մուգուրուսան: