✕

Դատարանը մերժեց ՊՊԾ գնդի գրավման գործով ամբաստանյալ Թաթուլ Թամրազյանի և Գևորգ Իրիցյանի խափանման միջոցը փոխելու միջնորդությունը

Armenpress 19:12, 22 Հունիս, 2018

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Երևան քաղաքի ընդհանուր իրավասության դատարանի Շենգավիթի նստավայրում հունիսի 22-ին քննվեց ՊՊԾ գնդի գրավման գործով ամբաստանյալներ Թաթուլ Թամրազյանի և Գևորգ Իրիցյանի խափանման միջոց կալանավորումը փոխելու վերաբերյալ միջնորդությունը: Ինչպես տեղեկացնում է «Արմենպրես»-ը, Ազգային ժողովի «Ծառուկյան» խմբակցության պատգամավորներ Նաիրա Զոհրաբյանն ու Սերգեյ Բագրատյանն անձնական երաշխավորություն էին ներկայացրել նրանց կալանքը փոխելու վերաբերյալ:

Մեղադրող կողմը չառարկեց միջնորդությանը: Խորհրդակցական սենյակից վերադառնալուց հետո դատավոր Մեսրոպ Մակյանը որոշում կայացրեց մերժել պաշտպան Արայիկ Պապիկյանի միջնորդությունը:

 

 

 

                                                                                                                                                                        



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am