«Երևան» ֆուտբոլային ակումբում փոփոխություններ կլինեն
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: «Երևան» ֆուտբոլային ակումբը (նախկին «Փյունիկ») փոփոխությունների կենթարկվի:
«Արմենպրես»-ի հաղորդմամբ` լրագրողների հետ հանդիպման ժամանակ նման հայտարարություն արեց ակումբի նախագահ Արթուր Սողոմոնյանը: «Այն, ինչ ցույց տվեց «Երևան»-ն այս մրցաշրջանում, ինձ չի բավարարում: Ես ուրիշ ամբիցիաներ ունեմ: Ուժեղացնելու ենք թիմը»,-ասաց Սողոմոնյանը:
Ակումբի նախագահի խոսքով` թիմի գլխավոր մարզիչ Արմեն Գյուլբուդաղյանցը շատ բան է արել «Երևան» ակումբի համար և առաջիկայում ակումբում փոփոխություններ կլինեն թե ֆուտբոլիստների տեսքով, և թե մարզչական շտաբում: Վերջնական փոփոխությունների մասին կհայտարարվի հունիսի 11-12-ին:
Կարծիքներ
Հարցազրույցներ
Փաստ մեկնաբանությամբ