Քիմ Քարդաշյանն անվճար բաժանելու Է իր ապրանքը
ԵՐԵՎԱՆ, 4 ՀՈԻՆԻՍԻ, ԱՐՄԵՆՊՐԵՍ: Քիմ Քարդաշյանն իր KKW Beauty կոսմետիկական բրենդի պաշտոնական Instagram-օգտահաշվում բաժանորդներին հայտարարել Է նոր մրցույթի մասին, տեղեկացնում Է «Արմենպրես»-ը: «Քարդաշյանների ընտանիք» ռեալիթի-շոուի մասնակիցը որոշել Է անվճար բաժանել մի ամբողջ շարք մարմնագույն շրթներկ:
Ակցիայի պայմանների համաձայն, բոլոր նրանք, ովքեր ցանկանում են շահել ութ գույնի շրթներկ եւ շրթունքների համար նախատեսված երեք մատիտ, պետք Է բաժանորդագրվեն բրենդի օգտահաշվին, լայքեն պոստը եւ մեկնաբանությունների մեջ նշեն շրթներկի իրենց սիրելի գույնը:
Ներկայում հրապարակումը հավաքել Է 44,5 հազար լայք:
Հինգ պատահական հաղթողներին Քիմ Քարդաշյանը կհայտարարի հունիսի 4-ին: KKW Beauty-ը բրենդ Է, որը Քիմ Քարդաշյան-Ուեսթը հիմնադրել Է 2017 թվականի հունիսին: Շարքի առաջին արտադրանքները եղել են կոնտուրինգի համար միջոցները եւ հայլայթերները: Վաճառքների առաջին օրը մակնիշն վաստակել Է 14 մլն դոլար: