CNBC ամերիկյան հեռուստաալիքը հայտնել Է ռուսական Ս-500-ի հաջող փորձարկումների մասին
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Ռուսաստանը հաջողությամբ Ս-500 նորագույն սերնդի հակաօդային պաշտպանության հակամարգի գաղտնի փորձարկումներ Է կատարել: Այդ մասին, ինչպես տեղեկացնում Է «Արմենպրես»-ը, հայտնել Է CNBC հեռուստաալիքը՝ վկայակոչելով ԱՄՆ-ի հետախուզության զեկույցներին ծանոթ աղբյուրները:
Հեռուստաալիքը նշել Է, որ Ս-500-ը կարողացել Է թիրախը խոցել շուրջ 481 կիլոմետր հեռավորության վրա, ինչը գրեթե 80 կիլոմետրով ավելի Է, քան նախորդ հայտնի թեստերի ժամանակ: «Ռուսաստանը պնդում Է, որ ցամաքային բազավորման զենիթահրթիռային համակարգը կարող Է կալանել հիպերձայնային հրթիռներ, թռչող ապարատներ եւ անօդաչուներ, ինչպես նաեւ F-22-ի եւ F-35-ի նման մարտական ինքնաթիռներ: Ս-500-ն ընդլայնում Է մի քանի թիրախների ճշգրիտ հարվածներ հասցնելու Կրեմլի հնարավորությունները»,- նշել Է CNBC-ն:
Բացի դրանից, Ս-500-ը կարող Է օբյեկտներ կալանել մերձավոր տիեզերքում (Երկրի մակերեւույթից գրեթե հարյուր կիլոմետր հեռավորությամբ), հաղորդել Է ՌԻԱ Նովոստին: