Սամբիստ Տիգրան Կիրակոսյանը՝ Եվրոպայի չեմպիոն
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Հայաստանի սամբոյի հավաքականի անդամ Տիգրան Կարապետյանը դարձավ Եվրոպայի չեմպիոն:
«Արմենպրես»-ի հաղորդմամբ` Հայաստանը ներկայացնող սամբիստները նվաճեցին 6 մեդալ:
Տիգրան Կիրակոսյանը դարձյալ փայլուն ելույթներ ունեցավ և հերթական անգամ հռչակվեց Հին աշխարհի մարզական սամբոյի չեմպիոն 52 կգ քաշային կարգում: Մարզական սամբոյի մեկ այլ ներկայացուցիչ՝ Արսեն Ղազարյանը արժանացավ բրոնզե պարգևի 74 կգ քաշային կարգում: Մարտական սամբոյի մրցաշարում հանդես եկող Գրիգոր Մխիթարյանը (52կգ, Գյումրի), Մխիթար Մխիթարյանը (57 կգ, Սպիտակ), Վաչիկ Վարդանյանը (68կգ, Եղվարդ), Դավիթ Պետրոսյանը (82կգ, Արցախ) նույնպես նվաճեցին բրոնզե մեդալներ:
Հունաստանի մայրաքաղաք Աթենքում անցկացվեց Սամբոյի Եվրոպայի առաջնությունը, որի ընթացքում ուժերը չափեցին ավելի քան 300 մարզիկ 26 երկրից: