Հրապարակվել են Երկրի առաջին լուսանկարները, որոնք արել Է Sentinel-3B եվրոպական արբանյակը
ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Առաջին լուսանկարները, որոնք արել Է երկրի դիստանցիոն զոնդավորման Sentinel-3B եվրոպական արբանյակը, մայիսի 10-ին հրապարակվել են Եվրոպական տիեզերական գործակալության կայքում, տեղեկացնում Է «Արմենպրես»-ը:
Լուսանկարներում պատկերված են մայրամուտն Անտարկտիդայի վրա, արկտիկական սառցադաշտերը եւ եվրոպական մայրցամաքի հյուսիսային մասի վրա բացվող տեսարանը:
«Առաջին լուսանկարներն արդեն ցույց են տալիս, թե սարքն ինչ դեր պետք Է խաղա բնապահպանության վիճակի վերաբերյալ բարձրորակ տվյալների ստեղծման գործում, որպեսզի բարելավենք կենսապայմանները, բարձրացնենք տնտեսության մակարդակը եւ պաշտպանենք մեր մոլորակը»,-հայտարարել Է Եվրոպական տիեզերական գործակալության Երկրի մակերեւոյթի դիտարկման ծրագրի տնօրեն Յոզեֆ Աշբահերը, հաղորդել Է ՏԱՍՍ-ը: