ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Հայաստանի ջրացատկի հավաքականի անդամները 4 մեդալ են նվաճել Ուկրաինայում:

«Արմենպրես»-ի հաղորդմամբ` Կիեւում կայացած մրցաշարին մասնակցել են Հայաստանի ջրացատկի հավաքականի անդամներ Վլադիմիր եւ Ազատ Հարությունյան եղբայրները, Վարտան Բայանդուրյանը եւ Լեւ Սարգսյանը՝ հավաքականի գլխավոր մարզիչ Հրաչյա Չանդիրյանի գլխավորությամբ: 

Աշտարակացատկ 10 մ անհատական մրցաձեւում Վլադիմիր Հարությունյանը նվաճել է արծաթե մեդալ՝ զիջելով միայն Ուկրաինայի ներկայացուցչին: Նույն մրցաձեւում Վարտան Բայանդուրյանը դարձել է բրոնզե մեդալակիր, իսկ սինքրոն ցատկ 10 մ վարժությունում Լեւ Սարգսյան - Վլադիմիր Հարությունյան զույգը գրավել է երրորդ տեղը: 

3 մ սինքրոն ոստնակացատկ մրցաձեւում հանդես եկած Վլադիմիր եւ Ազատ Հարությունյան եղբայրները գրավել են 5-րդ տեղը։ 

Ջրացատկի Ուկրաինայի գավաթի բաց խաղարկությանը մասնակցել է 10 երկրի 15 թիմ: