Հայաստանում զբոսաշրջության ոլորտում ներդրվում է վիճակագրական նոր համակարգ
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Հայաստանում զբոսաշրջության վիճակագրության վարման մեթոդի կատարելագործման նպատակով կիրականացվեն նոր միջոցառումներ: Այդ նպատակով ՀՀ կառավարությունն ապրիլի 12-ի նիստում հավանություն է տվել միջոցառումների ծրագրին:
Գործադիրի նիստից հետո լրագրողների հետ զրույցում ՀՀ տնտեսական զարգացման և ներդրումների նախարարի պաշտոնակատար Սուրեն Կարայանն ասաց, որ միջոցառումները մշակվել են իր գլխավորած գերատեսչության, Ազգային անվտանգության ծառայության և Ազգային վիճակագրական ծառայության կողմից: «Առաջարկում ենք զբոսաշրջության ոլորտում վիճակագրության նոր համակարգ, ինչը մեծ հնարավորություն կտա ավելի հասցեական՝ տարիքային և այլ չափանիշների հիման վրա հաշվառել ՀՀ այցելած զբոսաշրջիկներին»,- «Արմենպրես»-ի փոխանցմամբ, ասաց Կարայանը:
Նրա խոսքով՝ մշակվել է կատարելագործված մեթոդաբանություն՝ սահմանային էլեկտրոնային կառավարման տեղեկատվական համակարգի (ՍԷԿՏ համակարգ) կարողությունների օգտագործմամբ:
Ըստ հիմնավորման՝ ՍԷԿՏ համակարգի միջոցով հնարավորություն կընձեռվի Հայաստանի զբոսաշրջության ոլորտում ճշգրիտ վիճակագրության վարում, որը էապես կնպաստի Հայաստանի տնտեսության վրա զբոսաշրջության ազդեցության գնահատմանը, ոլորտում առավել ճշգրիտ քաղաքականության մշակմանն ու իրականացմանը` ի նպաստ Հայաստանում կայուն, համաչափ տարածքային տնտեսական զարգացման, ազգային եկամտի ավելացման, և բնակչության կենսամակարդակի բարձրացման:
- Երևանի ավագանու ընտրություններ․ ժամը 17։00-ի դրությամբ քվեարկությանը
մասնակցել է ընտրելու իրավունք ունեցողների 21,36 տոկոսը
- ԱՊՀ բոլոր երկրներից մասնագետներ են մասնակցում Դիլիջանում մեկնարկած
միջազգային Մեդիա դպրոցին
- Կիևյան կամրջով երթևեկությունը հունվարի 20-ի ժամը 22:00-ից մինչև հունվարի
21-ի ժամը 07:00-ը փակ կլինի
- Հայաստանը չեխ գործարարներին և ներդրողներին կապահովի բոլոր պայմաններով.
տեղի ունեցավ Հայ-չեխական բիզնես ֆորումը
- Տուրիզմի մասնագետն 8 ամսում Հայաստանում հաշվարկել է շուրջ 700 մլն դոլարի
կորուստ