Հայաստանում չորս օր հանգստյան կլինի մայիսի 1-ի կապակցությամբ
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: ՀՀ կառավարության ապրիլի 12-ի նիստի օրակարգում ներառված է հարց, որի համաձայն՝ 2018 թվականի ապրիլի 30-ի աշխատանքային օրը կտեղափոխվի 2018 թվականի մայիսի 5` շաբաթ օրը: Ինչպես փոխանցում է «Արմենպրես»-ը, նախագծի հիմնավորման համաձայն՝ աշխատանքային օրը տեղափոխելը հնարավորություն կտա ՀՀ քաղաքացիներին մայիսի 1-ի տոնական օրից առաջ ունենալ հանգստյան օրեր (ապրիլի 28, 29՝ շաբաթ-կիրակի և ապրիլի 30՝ երկուշաբթի):
ՀՀ կառավարության որոշման նախագծի ընդունումը բխում է «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքի 19-րդ հոդվածից:
Կարծիքներ
Հարցազրույցներ
Փաստ մեկնաբանությամբ