Աշխատանքային խումբն «Արմենիկում»-ի մասին որոշումը կկայացնի ծրագրի ղեկավարների զեկույցի քննարկման արդյունքում
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: ՀՀ առողջապահության նախարարությունում այսօր կայացել է Հայաստանի Հանրապետությունում ինֆեկցիոն ծառայության ոլորտի բժշկական օգնությունն ու ծառայությունն առավել արդյունավետ դարձնելու և կանոնակարգելու նպատակով ստեղծված աշխատանքային խմբի առաջին քննարկումը։ Այս մասին «Արմենպրես»-ին տեղեկացրին ՀՀ առողջապահության նախարարության հասարակայնության հետ կապերի բաժնից։
«Նման ձևաչափով խնդրի դիտարկման առիթը հանդիսացել է «Արմենիկում» դեղով հիվանդների բուժման արդյունավետության բարձրացումը։
ՀՀ առողջապահության նախարար Լևոն Ալթունյանը նշել է, որ հաջորդ հանդիպման ժամանակ ծրագրի ղեկավարները կներկայացնեն տարեկան 188 մլն դրամ բյուջեի շրջանակում իրականացված աշխատանքները, այդ թվում` 150 հիվանդի բուժման արդյունքներն ու արդյունավետությունը։
Զեկույցի քննարկման արդյունքում, գնահատելով ծրագրի արդյունավետությունը, անաչառ և օբյեկտիվ որոշում կկայացվի»,- նշված է հաղորդագրության մեջ։