ԵՄ-ն ավելի քան 30 մլն եվրո կհատկացնի Լատինական Ամերիկայի եւ Կարիբյան ավազանի երկրների համար
ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Եվրոպական Միությունը Լատինական Ամերիկայի եւ Կարիբյան ավազանի երկրներին մարդասիրական օգնության եւ տարածաշրջանում բնական աղետների հետ կապված միջոցառումների իրականացման համար 30 մլն եվրո կհատկացնի: Ինչպես հաղորդում է «Արմենպրես»-ը, վկայակոչելով «ՏԱՍՍ» գործակալությունը, այս մասին հայտարարել է Շվեյցարիայի Մարդասիրական օգնության եւ ճգնաժամային կառավարման եվրոպական հանձնակատար Քրիստոս Ստիլիանիդիսը, Կոլումբիա պաշտոնական այցի ընթացքում:
«Այսօր ԵՄ-ի հանձնառությունը` աջակցելու Լատինական Ամերիկայի երկրներին, ինչպես երբեւէ ուժեղ է: Կոլումբիայում մեր նոր ֆինանսական աջակցությունը երկու նպատակ ունի` հաղթահարել հակամարտության տարիներին հումանիտար աղետի հետեւանքները եւ օժանդակել տարածաշրջանում բնական աղետներին արձագանքման պատրաստակամությանը»,-ասել է նա :
Ստիլիանիդիսը Բոգոտայում հանդիպել է Կոլումբիայի նախագահ Խուան Մանուել Սանթոսին, որտեղ եւս մեկ անգամ հաստատել է ԵՄ-ի հանձնառությունը օգնելու Լատինաամերիկյան երկրին` իր խաղաղության եւ բարգավաճման ճանապարհին: