ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Ֆուտբոլի Եվրոպայի լիգայի «Միլան»-«Արսենալ» խաղից առաջ «ռոտոսներների» գլխավոր մարզիչ Ջենարո Գատուզոն խոսել է առաջիկա խաղի մասին:

«Արսենալ»-ը դժվարին փուլում է, սակայն ունի հրաշալի ֆուտբոլիստներ: Եվրոպայի լիգայում նրանք խփել են 18 գնդակ: Դրական արդյունք գրանցելու համար կարևոր է լավ խաղալ: Մեզ համար առաջնահերթ խնդիր կլինի «Արսենալ»-ին գնդակից զրկելը»,-«Արմենպրես»-ի հաղորդմամբ՝ ասել է Գատուզոն:

Վերջինս խոսել է նաև Արսեն Վենգերի մասին՝ շեշտելով, որ անգլիացի մարզիչի համեմատ ինքը դեռ սկսնակ է, քանի որ Վենգերը 30 տարվա փորձ ունի:

Ֆուտբոլի Եվրոպայի լիգայի «Միլան»-«Արսենալ» հանդիպումը կկայանա մարտի 8-ին և կմեկնարկի Երևանի ժամանակով 22:00-ին: