Դենի դե Վիտոն կստանա Իտալիայի բարձրագույն պետական շքանշանը
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Ծագումով իտալացի հոլիվուդյան դերասան եւ պրոդյուսեր Դենի դե Վիտոն կստանա Իտալիայի բարձրագույն պետական պարգեւներից մեկը: Այդ մասին, ինչպես տեղեկացնում Է «Արմենպրես»-ը, հայտարարել Է Լոս Անջելեսում Իտալիայի հյուպատոս Անտոնիո Վերդեն:
«Դենի դե Վիտոն՝ համաշխարհային կինոյի առավել մեծ ժողովրդականություն վայելող արտիստներից մեկը, կդառնա «Իտալիայի Հանրապետության հանդեպ վաստակի համար» շքանշանի Մեծ ասպետ»,- գրել Է հյուպատոսը Twitter-ում: Երրորդ աստիճանի պարգեւը դերասանին կհանձնվի մարտի 2-ին Լոս Անջելեսում իտալական կինոյի փառատոնի բացման արարողության ժամանակ: «Իտալիայի Հանրապետության հանդեպ վաստակի համար» շքանշանն ունի վեց աստիճան: Դրա բարձրագույն աստիճանին սովորաբար արժանանում են պետական ղեկավարները:
Վերդեի խոսքով՝ իր երկարատեւ գեղարվեստական կարիերայի ընթացքում դե Վիտոն հպարտությամբ Էր հայտարարում իտալական արմատներին կապված լինելու խորը զգացողության մասին:
Դենիել Մայքլ դե Վիտոն ծնվել Է 1944 թվականին Նյու Ջերսիում: Նկարահանվել Է ավելի քան 50 ֆիլմերում, որոնցից առավել հայտնի են «Սիրավեպ քարի հետ», «Թռչելով կկվի բնի վրայով», «Երկվորյակներ» եւ «Մարդը Լուսնի վրա» կինոնկարները, հաղորդել Է ՌԻԱ Նովոստին, հաղորդել Է ՌԻԱ Նովոստին: