Քննադատները ծափողջույններով են դիմավորել Գաս Վան Սենտի նոր ֆիլմը Բեռլինալեում
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Բեռլինյան կինոփառատոնում կայացել Է Գաս Վան Սենտի «Մի հուզվիր, նա հեռու չի գնա» նոր ֆիլմի պրեմիերան, որում գլխավոր դերերը խաղացել են Հոակին Ֆենիքսը, Ռունի Մարան եւ Ջոնա Հիլլը: Քննադատները Բեռլինալեի մրցութային ծրագրին մասնակցող ֆիլմն ընդունել են ծափողջույններով:
Կինոնկարը պատմում Է ամերիկացի ծաղրանկարիչ Ջոն Քալահանի մասին, որը ալկոհոլի նկատմամբ հակում ունենալու պատճառով վթարի Է ենթարկվել, ինչի հետեւանքով հայտնվել Է հաշմանդամի սայլակին:
Գաս Վան Սենտը Բեռլինյան կինոփառատոնի ակտիվ մասնակիցն Է, որտեղ նրա կինոնկարները մի քանի անգամ պարգեւներ են ստացել: Ստուգատեսի պարգեւների հանձնման արարողությունը տեղի կունենա փետրվարի 23-ին, հաղորդել Է «Ինտերֆաքս»-ը: