Թալիբները տասնյակ ոստիկանների են սպանել Աֆղանստանի արեւմուտքում
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: «Թալիբան» արմատական շարժման զինյալները Աֆղանստանի արեւմուտքում գրավել են կառավարական չորս հսկիչ անցակետ եւ սպանել 20-ից ավելի ոստիկանների: Այդ մասին, ինչպես տեղեկացնում Է «Արմենպրես»-ը, հայտնել են տեղական ԶԼՄ-ները ՝հղում անելով Ֆարահի նահանգի խորհրդի ղեկավար Ֆարահ Ֆարիդ Բահթավարին:
«Զինյալներն անցած գիշեր երեք կառավարական հսկիչ անցակետ են գրավել Ֆարահրուդ բնակավայրում, եւս մեկը՝ Ֆարահի նահանգի Բալա Բուլուք գավառի Շամալգահում, սպանվել Է 24 ոստիկան: Շամալգահում թալիբներն առեւանգել են եւս չորս ոստիկանների, նրանց ճակատագիրը դեռեւս անհայտ Է»,- Ariana News-ը մեջբերել Է Բահթավարի խոսքը, հաղորդել Է «Ինտերֆաքս»-ը:
Կարծիքներ
Հարցազրույցներ
Փաստ մեկնաբանությամբ