ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Հայաստանի ռուսական ռազմակայանի ռազմական ինժեներներն ավարտում են ուղեգծերի սարքավորումը «Կամխուդ» եւ «Ալագյազ» զորավարժարանների տանկարշավարաններում «ԲՄԽ-2018» Բանակային միջազգային խաղերի մրցումների անցկացման համար:

Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունում, զինծառայողները մեկ ամսվա ընթացքում սարքավորել են ճանապարհային գոտին եւ խոչընդոտները «Տանկային բիաթլոն», «Անվտանգ միջավայր», «Սուվորովյան գրոհ», «Ավտոմոբիլային ռալլի» եւ այլ մրցումների ընտրական փուլերի անցկացման համար՝ ցուցակային բուլդոզերների, Էքսկավատորների, գրեյդերների եւ ավտոմոբիլային հատուկ ռազմական տեխնիկայի օգտագործմամբ:

Մրցումների նախաշեմին տանկարշավարաններում կատարվել Է ճանապարհային պաստառի մաքրում պայթուցիկ նյութերից եւ առարկաներից՝ «Կորշուն» ականափնտրիչների եւ ականափնտրիչ շներով կինոլոգների խմբերի օգտագործմամբ: Բարձրլեռնային զորավարժարաններում ուղեգծերի սարքավորմանը մասնակցում են ավելի քան 100 զինծառայողներ եւ շուրջ 50 միավոր ռազմական եւ հատուկ տեխնիկա: