Մանկական բեսթսելեր 4/24. «Հեքիաթներ բարու և չարի մասին» և «Լինում է, չի լինում» գրքերն ամենավաճառվածների ցանկում են
ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծը ներկայացնում է մեկ ամսվա ընթացքում ամենից շատ վաճառված մանկական գրքերի ցանկը:
Բոլոր ժամանակների ամենաընթերցվող հեղինակներից մեկի` Հովհաննես Թումանյանի «Հեքիաթներ» ժողովածուն առաջինն է: Թումանյանի գործերը պահանջված են բոլոր սերունդների կողմից, դրանք հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:
Վարկանիշային աղյուսակ է վերադարձել և երկրորդ հորիզոնականը զբաղեցրել «Հեքիաթներ արքայադուստրերի մասին» գիրքը: «Արքայադուստր Լինդան», «Կեռնեխ թագավորը» և «Ոսկեծամիկը» հեքիաթները դաստիարակչական են, անչափ հուզիչ և գեղեցիկ: Այս բոլոր հեքիաթները մեկտեղված են վերոնշյալ գրքում:
Հանս Քրիստիան Անդերսենի «Հեքիաթներ»-ը մեկ հորիզոնականով զիջել է իր դիրքերը և երրորդն է: Անդերսենյան գործերը քաջ հայտնի են բոլոր փոքրիկներին ոչ միայն գրքերից, այլև մուլտֆիլմերից ու լիամետրաժ խաղարկային ֆիլմերից:
Չորրորդ տեղում «Երեք պատմվածք Շերլոկ Հոլմսի արկածներից» գիրքն է, որում ներկայացված են Արթուր Կոնան Դոյլի՝ շատերից սիրված հերոս Շերլոկ Հոլմսի զանազան փորձություններն ու հաղթանակները:
«Հեքիաթներ բարու և չարի մասին» զարմանահրաշ գիրքը վերադարձել է ամենավաճառվածների աղյուսակ` զբաղեցնելով պատվավոր հինգերորդ հորիզոնականը:
«Լինում է, չի լինում» հեքիաթների պատկերազարդ ժողովածուն վեցերորդն է: Հանս Քրիստիան Անդերսենի, Գրիմ եղբայրների, Շառլ Պերոյի, Գաբրիել դը Վիլնյովի հեքիաթների հերոսները փոքրիկների ամենասիրածներն են: Այս հեքիաթների նոր նկարազարդումներն էլ ավելի հետաքրքիր են դարձնում ընթերցումը:
Յոթերորդ հորիզոնականում «Աշխարհի իմաստուն հեքիաթներ» ժողովածուն է: Այն 2015 թվականին «Արմենպրես» հայկական լրատվական գործակալության կողմից ճանաչվել է նախորդ տարվա մանկական բեսթսելեր: Գրքում ներկայացված հեքիաթները ներառում են դարերից եկած, ժողովուրդների կենսափորձով հաստատված և այժմ էլ արդիական ճշմարտություններ ու արժեքներ: Այս հեքիաթներից յուրաքանչյուրը մի ուրույն աշխարհ է, որի բացահայտումը հնարավորություն է տալիս հայտնաբերել իմաստնության նոր շերտեր կամ վերահաստատել դրանք, վերագտնել մեր մեջ հեքիաթը:
Հովհաննես Թումանյանի «Հեքիաթներ»-ը զիջել է իր դիրքերը և ութերորդն է: Հեղինակի լավագույն գործերը զետեղված են այս գրքում:
Մեր ցանկ է վերադարձել և իններորդ տեղում հայտնվել Ղազարոս Աղայանի «Անահիտ» հեքիաթը: Այն Վաչագանի և Անահիտի սիրո, խիզախության, աշխատասիրության, նվիրվածության մասին է: Հեքիաթի մոտիվներով նաև մուլտֆիլմ է նկարահանվել:
Ամենավաճառվածների աղյուսակը եզրափակում է Մարկ Տվենի «Թոմ Սոյերի արկածները» գիրքը: Թոմը մոտ 12 տարեկան տղա է, որը, մոր մահից հետո, ապրում էր իր մորաքույր Պոլլիի տանը։ Վեպում նկարագրվում են տարբեր արկածներ, որոնք տեղի են ունենում Թոմի և նրա ընկերների հետ։ Դրանք մի քանի ամիս են տևում: Արկածների ընթացքում Թոմը հասցնում է գտնել իր սերը, ականատես լինել սպանության և բռնել մարդասպանին, փախչել տնից, դառնալ ծովահեն և ապրել կղզում:
Վարկանիշային ցուցակի կազմման հարցումներին մասնակցել են «Բուկինիստ» (53-74-13) և «Զանգակ» (23-26-49) գրախանութների ցանցերը: Հարցման ժամանակ հաշվի չեն առնվել դասագրքերը:
Տեղ Գիրք Հրատ. Քանակ 1Մարկ Տվեն
«Թոմ Սոյերի արկածները»
Անտարես 14«Մանկական բեսթսելերը» ներկայացրեց Անժելա Համբարձումյանը
- «Երևանյան բեսթսելեր». Հարրի Փոթերի մասին գրքերն առաջին հորիզոնականում են.
Մանկական գրականություն. մայիս, 2019
- Մանկական բեսթսելեր 5/2. «Հեքիաթներ քնելուց առաջ» գիրքն
ամենավաճառվածների աղյուսակում է
- Մանկական բեսթսելեր 4/25. «Խորհրդավոր պարտեզը» ամենավաճառվածներից է
- Մանկական բեսթսելեր 4/23. Հարրի Փոթերի մասին պատմող երեք գրքերը
ամենավաճառվածների ցանկում են
- Մանկական բեսթսելեր 4/22. Բույսն ամեն օր ջրող արջուկի մասին գիրքը
ամենապահանջվածների ցանկում է