Քրդերը հրթիռակոծել են թուրքական Ռեյհանլի քաղաքը
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Սիրիական Աֆրինը վերահսկողության տակ պահող քրդերը հերթական անգամ հրթիռակոծել են թուրքական սահմանամերձ Ռեյհանլի քաղաքը: Ինչպես հաղորդում է «Արմենպրես»-ը, այս մասին հայտնում է «Ռիա նովոստի»-ն:
Հրթիռակոծության հետևանքով զոհվել է մեկ մարդ, վիրավորվել` 7-ը:
Թուրքական լրատվամիջոցները հայտնել են Ռեյհանլիում և Կիլիսում հրթիռակոծության հետևանքով 9 տուժածների մասին: Անկարան հայտարարել է, որ Աֆրինում թուրքական զինված ուժերի 12-օրյա գործողությունների ընթացքում քրդերը Սիրիային սահմանամերձ թուրքական բնակավայրերի ուղղությամբ 82 հրթիռ են արձակել: Գրոհների զոհ է դարձել 5 մարդ, ավելի քան 100 մարդ վիրավորվել է:
Կարծիքներ
Հարցազրույցներ
Փաստ մեկնաբանությամբ