1000х90.jpg (78 KB)

Սերբիան եւ Կոսովոն համաձայնել են շարունակել երկխոսությունը հարաբերությունների նորմալացման շուրջը

Armenpress 17:04, 18 Հունվար, 2018

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Սերբիայի նախագահ Ալեքսանդր Վուչիչը եւ Կոսովոյի ինքնահռչակ հանրապետության նախագահ Հաշիմ Թաչին համաձայնության են եկել շարունակելու երկխոսությունը հարաբերությունների նորմալացման շուրջը, չնայած սերբ քաղաքական գործիչ Օլիվեր Իվանովիչի սպանությանը:

Այդ մասին, ինչպես տեղեկացնում Է «Արմենպրես»-ը, հունվարի 18-ին հայտնել Է Մայա Կոսյանչիչը՝ Եվրամիության դիվանագիտության ղեկավար Ֆեդերիկա Մոգերինիի ներկայացուցիչը: Սերբիայի կառավարությունում Կոսովոյի եւ Մետոքիայի գործերի նախկին փոխնախարար եւ կոսովցի սերբերի առաջնորդներից մեկը՝ Օլիվեր Իվանովիչը, սպանվել Է հունվարի 16-ի առավոտյան Կոսովսկա Միտրովիցա քաղաքում:

«Երեկ հեռախոսազրույց կայացավ նախագահներ Վուչիչի եւ Թաչիի միջեւ: Նրանք համաձայնվեցին շարունակել երկխոսությունը հարաբերությունների հետագա նորմալացման շուրջը»,- լրագրողներին ասել Է Կոսյանչիչը, հաղորդել Է ՌԻԱ Նովոստին:



Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am