Մոուրինյոն զայրացել է Մխիթարյանի մասին հարցից
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Անգլիական «Մանչեսթեր Յունայթեդ»-ի գլխավոր մարզիչ Ժոզե Մոուրինյոյին զայրացրել է Հենրիխ Մխիթարյանի մասին հարցը:
«Զայրանում եմ այն բանից, որ բոլորը հարցնում են բացակայող ֆուտբոլիստների և ոչ այդքան լավ մարզավիճակում գտնվող ֆուտբոլիստների մասին: Չեք հարցնում ոչ Մարիսալի և ոչ էլ Սմոլինգի մասին: Միշտ էլ նույն պատմությունն է: Մխիթարյանը բաց էր թողել «Նյուքասլ»-ի դեմ խաղը, քանի որ մեկ այլ տարբերակ ունեինք: Այդ խաղում իմ որոշմամբ խաղադաշտ դուրս եկան Ռեշֆորդը և Մարսիալը: Եթե չփոխվի խաղի կանոները ես չեմ կարող 11 ֆուտբոլիստից ավել խաղացող մտցնել խաղադաշտ»,-«Արմենպրես»-ի հաղորդմամբ՝ լրագրողների հետ հանդիպման ժամանակ ասել է Մոուրինյոն:
Չեմպիոների լիգայի խմբային փուլի 5-րդ տուրում «Մանչեսթեր Յունայթեդ»-ը կհյուրընկալվի «Բազել»-ին: Հանդիպումը կմեկնարկի 23:45-ին: